Արշիլ Գորկի, «Նկարիչը և իր մայրը»

Հայազգի նկարիչ Արշիլ Գորկու «Նկարիչը և իր մայրը» կտավը։ Նա այս ստեղծագործության վրա աշխատել է 1926–1936 թվականներին։ Նկարի հիմքում 1912 թվականին Վանում արված լուսանկար է, որտեղ պատկերված են փոքրիկ Արշիլը և նրա մայրը՝ Շուշանը։

Կտավի ձախ կողմում կանգնած է տղան՝ երկար վերարկուով, իսկ աջում նստած է մայրը՝ գլխաշորով և սպիտակ գոգնոցով։

Գորկին հետագայում դարձավ ամերիկյան արվեստի կարևորագույն դեմքերից մեկը և համարվում է աբստրակտ էքսպրեսիոնիզմի հիմնադիրներից մեկը։ Նրա գործերը ցուցադրվում են Միացյալ Նահանգների խոշորագույն թանգարաններում և պատկերասրահներում, ինչպես նաև Լոնդոնի Թեյթ պատկերասրահում։ Այս նկարը համարվում է նրա ամենահայտնի և հուզիչ ստեղծագործություններից մեկը։