Կարլ Չիլինգարյանը, Մաքս Հերցը և «Չիբո» սուրճը

Ձախ լուսանկարում կոստյումով և փողկապով տղամարդ է՝ ձեռքին «Չիլինգս» գրությամբ թղթապանակ, աջում՝ տարեց տղամարդ, որը սուրճի գավաթ է պահում և ցուցամատը բարձրացրել է։

Գերմանացի ձեռներեց Կարլ Չիլինգարյանը ծնվել է 1910 թվականի փետրվարի 27-ին Համբուրգում՝ Կարապետ և Էռնա Չիլինգարյանների հայկական ընտանիքում։ Նա զբաղվում էր չորացրած մրգերի, արմավի, կակաոյի, թզի և թեյի առևտրով։ Սուրճ ներմուծող Մաքս Հերցի հետ նրանք բովում էին սուրճը, լցնում թիթեղյա տուփերի մեջ, նվերներ ավելացնում և ուղարկում փոստով։ 1949 թվականին նրանք հիմնեցին ընկերություն, որի անունը հետագայում պարզեցվեց՝ դառնալով «Չիբո». «Չի»-ն վերցված է Չիլինգարյանի ազգանունից, «բո»-ն՝ «հատիկներ» նշանակող գերմաներեն բառից։

Տարիներ անց գործընկերների միջև տարաձայնություններ ծագեցին։ Պարտքերի մեջ հայտնված Չիլինգարյանը աստիճանաբար կորցրեց իր բաժինը, որը գնեց Հերցը։ Կարլ Չիլինգարյանը մահացել է 1987 թվականին և թաղված է Համբուրգի Օլսդորֆ գերեզմանատանը։ Այսօր «Չիբո» ընկերությունը Հերցերի ընտանիքի սեփականությունն է։