Արմեն Պետրոսյան՝ «Պետրոսյան» ընկերության ղեկավար
Արմեն Պետրոսյանը սև ձկնկիթի շուկայի ամենահայտնի դեմքերից է։ Նա վերահսկում է սև ձկնկիթի համաշխարհային վաճառքի 20 տոկոսը և թառափի ձկնկիթի խոշորագույն ներմուծողն է Ֆրանսիայում և ԱՄՆ-ում։
«Պետրոսյան» ընկերության հիմնադիրները եղբայրներ Միքայել և Մելքում Պետրոսյաններն էին։ 1917 թվականի հեղափոխությունից անմիջապես հետո նրանք կարողացան Բաքվից սև ձկնկիթի ուղիղ մատակարարում կազմակերպել, իսկ 1920 թվականին Ռուսաստանից արտագաղթեցին Ֆրանսիա և Փարիզում բացեցին իրենց առաջին խանութը։ Այդպես սև ձկնկիթը տարածում գտավ Ֆրանսիայում։
Միքայելի որդին՝ Արմենը, ծնվել է 1949 թվականի հուլիսի 14-ին։ Սորբոնի համալսարանի դիպլոմով նա 22 տարեկանում ընկերությունում սկսել է որպես սևագործ բանվոր, անցել բոլոր աստիճանները և մոտ 10 տարի անց դարձել գլխավոր տնօրեն ու նախագահ։ Լուսանկարում նա սև կոստյումով և կապույտ թիթեռնիկով է, ձեռքին բռնել է ձկնկիթով լի կապույտ տուփ՝ ընկերության անվամբ։
