Աբրենք վանքի հսկա խաչքարերը
Լուսանկարում պատկերված են Սուրբ Դավիթ կամ Աբրենք վանքի խաչքարերը՝ Արևմտյան Հայաստանում, պատմական Երզնկա նահանգի Ուչփընար գյուղում։ Չնայած վանքը ենթարկվել է բազմաթիվ ավերածությունների, պահպանվել են եկեղեցին, մատուռը և այս խաչքարերը, որոնք համարվում են տարածաշրջանի ամենամեծերից։
Երկու բարձր ու նեղ խաչքարերը կանգնած են ձյունածածկ բաց տարածքում։ Դրանց վրա քանդակված են խաչեր և հյուսածո զարդանախշեր։ Խաչքարերը կրում են հայերեն արձանագրություններ և թվագրվում են 1191 և 1194 թվականներով։
