Անապատում գտնված հայ տղան, Հալեպ, 1920–1921

Հինգ լուսանկարներում պատկերված է հայ տղա, որին գտել էին անապատում։ Ըստ աղբյուրի՝ Հայոց ցեղասպանության տարիներին նա կորցրել էր ծնողներին և շուրջ 2 տարի ապրել էր մարդկանցից հեռու՝ սնվելով արմատներով, խոտով և պտուղներով։ Գտնելու պահին երեխան ամբողջովին վայրենացած էր։

Լուսանկարներն արվել են Հալեպում՝ 1920 և 1921 թվականներին, Ամերիկյան Մերձավոր Արևելքի օգնության կոմիտեի աշխատակից Հելեն Մարի Ջերարդի կողմից, որը հետագայում խնամել է երեխային։

Տղան բոբիկ է, մաշված հագուստով, կանգնած կամ նստած է փայտե արկղի վրա՝ քարե պատի մոտ։ Լուսանկարներից մեկում սպիտակ զգեստով մի կին ձեռքերով բռնել է նրա գլուխը։