Բաղդադի հայ երեխաները, 1918

Լուսանկարում Բաղդադի հայ երեխաներն են, Իրաք, 1918 թվական։

Արմավենու առջև կանգնած են 6 երեխա. 2 տղա ֆես են կրում, աղջիկները սպիտակ և ծաղկազարդ զգեստներով են, նրանցից մեկի գլխին ծածկոց է։

Իրաքում հայերի պատմությունը վավերագրված է ուշ Բաբելոնի ժամանակներից։ Սակայն ժամանակակից հայ համայնքի արմատները կապված են 1604 թվականին Շահ Աբասի կողմից հայերի՝ Իրան վերաբնակեցման հետ. նրանցից ոմանք հետագայում հաստատվեցին Իրաքում։ Եվս 25 000 հայ Իրաք եկավ 20-րդ դարի սկզբին՝ փախչելով ցեղասպանության հալածանքներից։ Նրանք Իրաքի քաղաքային կենտրոններում հիմնեցին դպրոցներ, մարզական և մշակութային ակումբներ, քաղաքական և կրոնական հաստատություններ։