Այնթապի Սուրբ Աստվածածին եկեղեցին

Այնթապի Սուրբ Աստվածածին հայկական եկեղեցին հիմնադրվել է 1892 թվականին՝ սուլթան Աբդուլ Համիդ II-ի ճարտարապետ Սարգիս Պալյանի նախագծով։ Այսօր քաղաքը գտնվում է Թուրքիայի տիրապետության տակ։

1915 թվականին Այնթապի մոտ 36 հազար քրիստոնյա բնակչությունից մինչև 32 հազար հայ տեղահանվեց Սիրիայի քաղաքներ, այդ թվում՝ Համա, Հոմս և Դեյր-էզ-Զոր։ Պատմաբան Ումիթ Քուրթի համաձայն՝ եկեղեցին կնքվեց 1915 թվականի օգոստոսի 22-ին, իսկ ներսի գույքը տեղափոխվեց մեծ ախոռ և վաճառվեց աճուրդով։ 1920 թվականին (այլ տվյալներով՝ 1930-ին) շենքը դարձվեց բանտ, իսկ 1984 թվականին՝ «Քուրթուլուշ» մզկիթ։

Բացիկի վրա գմբեթավոր եկեղեցին է՝ զանգակատնով, քաղաքի տանիքների ֆոնին։ Վերևում ֆրանսերեն մակագրություն է՝ «Այնթապ (Թուրքիա). քաղաք, եկեղեցի և միջնաբերդ»։