Խնկի արկղիկ Կեսարիայից, 1787

Պատարագի խնկի արկղիկ Կեսարիայից (Կայսերի), թվագրված 1787 թ.։ Այն պատրաստել են հայ վարպետները մասամբ ոսկեզօծ արծաթից։ Պահվում է Ֆրանսիայի թանգարաններից մեկում։

Արկղիկը բազմանիստ է, ունի գմբեթաձև կափարիչ, որի վրա կան արևի դեմքով զարդեր, իսկ գագաթին՝ բացվածքավոր զարդ։ Կողերին դրվագված են սրբազան տեսարաններ. առջևի կողին Խաչելությունն է՝ խաչի երկու կողմերում կանգնած երկու կերպարներով։