Գրիգոր Նարեկացու պատկերը մանրանկարում

Գրիգոր Նարեկացի՝ հայ մեծ բանաստեղծ, փիլիսոփա և աստվածաբան, Հայ առաքելական և Կաթոլիկ եկեղեցիների սուրբ։ Նրա «Մատյան ողբերգության» քնարական պոեմը ոչ միայն հայ, այլև համաշխարհային գրականության մեծագույն գլուխգործոցներից է։

Մանրանկարում Նարեկացին պատկերված է կանգնած՝ ոսկեգույն ֆոնի վրա, գլխի շուրջը լուսապսակ է, հագին՝ կարմիր թիկնոց, ձեռքին՝ գիրք։ Նրա երկու կողմերում հայերեն մակագրություն է, որում ընթերցվում է «Գրիգոր» անունը։