Ագուլիսից սերված հայ ընտանիք, 1867

Լուսանկարում պատկերված է Ագուլիսից սերված հայ ընտանիք, որը լուսանկարվել է 1867 թվականին Նախիջևանի գավառում։

Կադրում ընտանիքի 3 անդամ է՝ ավանդական ազգային հագուստով։ Բարձր մորթե գլխարկով տարեց տղամարդը և գլխազարդով ու հարուստ տարազով կինը նստած են, իսկ մուգ վերարկուով և սպիտակ երկար շրջազգեստով աղջիկը կանգնած է նրանց կողքին։ Ոտքերի տակ գորգ է փռված։

Նկարի տակ ձեռքով գրված է «1867 թ.», կան նաև հայերեն ձեռագիր տողեր։ Լուսանկարը վկայում է Նախիջևանի տարածքում դարերով ձևավորված հայկական կյանքի մասին։