Թեյշեբա աստծու բրոնզե արձանիկը

Բրոնզե այս արձանիկը պատկերում է ուրարտական ամպրոպի և պատերազմի աստված Թեյշեբային և թվագրվում է մ.թ.ա. 8–7-րդ դարերով։ Թեյշեբան Ուրարտուի աստվածների շարքում երկրորդն էր՝ գերագույն աստված Խալդիից հետո։

Աստվածը կանգնած է տերևազարդ պատվանդանի վրա։ Հագին ուրարտական զարդանախշով երկար զգեստ է և գոտի, գլխին՝ եղջյուրավոր բարձր գլխանոց։ Ձեռքերում նա պահում է սկավառակաձև լախտ և մարտական կացին՝ ամպրոպի և երկնային տարերքի նկատմամբ իշխանության խորհրդանիշներ։

Արձանիկը գտնվել է 1941 թվականին Կարմիր բլուրի պեղումների ժամանակ՝ Թեյշեբաինի ամրոցի ավերակներում, և այժմ պահվում է Երևանում՝ Հայաստանի պատմության թանգարանում։