Ռոջեր Ալթունյանը՝ ասթմայի դեղամիջոցի հեղինակը

Ռոջեր Էդուարդ Քոլինգվուդ Ալթունյանը՝ ինհալատորի և ասթմայի դեղամիջոցի հեղինակը, ծնվել է 1922 թ.։ Նրա ընտանիքը Հալեպից (Սիրիա) տեղափոխվել էր Մեծ Բրիտանիա, հայրն ու պապը բժիշկներ էին։ Երկրորդ համաշխարհային պատերազմի տարիներին նա Ռոդեզիայում սովորել է որպես կործանիչի օդաչու, 1941 թ.-ից եղել է թռիչքային հրահանգիչ և պարգևատրվել Ռազմաօդային ուժերի խաչով՝ գիշերային թռիչքների նոր մեթոդների համար։ Պատերազմից հետո սովորել է Քեմբրիջի բժշկական ֆակուլտետում։

Ուսանողական տարիներին նրա մոտ ասթմա է սկսվել։ 1956 թ.-ից դեղագործական ընկերությունում նա փնտրել է ասթմայի դեղամիջոցներ՝ փորձարկելով դրանք իր վրա. ավելի քան 1000 անգամ իր մոտ նոպա է առաջացրել։ 1965 թ. փետրվարին վերջնական տեսքի բերած դեղամիջոցը Մեծ Բրիտանիայում կոչվեց «դինատրիումի կրոմոգլիկատ», Ամերիկայում՝ «կրոմոլին», և արագ դարձավ ասթմայի բուժման հիմնական միջոցն ամբողջ աշխարհում։ 1970-ական թթ. վերջին նա տեղափոխվել է Ավստրալիա։

Լուսանկարում տարեց տղամարդ է՝ մուգ պիջակով, սպիտակ վերնաշապիկով և փողկապով։