Եպիսկոպոս Իգնատիոս Մալոյան

Վատիկանը սրբադասում է հայ կաթոլիկ եպիսկոպոս Իգնատիոս Մալոյանին, որը զոհվեց Օսմանյան կայսրությունում Հայոց ցեղասպանության ժամանակ։

Մալոյանը Մարդին քաղաքի հայկական թեմի առաջնորդն էր։ 1915 թվականի հունիսին նա 13 քահանաների և 600 հավատացյալների հետ ձերբակալվեց և ուղարկվեց Տիգրանակերտի (Դիարբեքիր) մոտ գտնվող Կարա-Կյոփրու գյուղ։ Մի քանի օր անց Մալոյանը սպանվեց, երբ հրաժարվեց ուրանալ քրիստոնեությունը։

Լուսանկարում մորուքավոր հոգևորական է՝ գլուխը ծածկող մուգ քողով, կրծքին՝ խաչ և երկու աստղաձև շքանշան։