Վարդգես Սուրենյանց, կաթողիկոսը և ցարական հրամանը

Հայ նկարիչ Վարդգես Սուրենյանցի կտավում պատկերված է կաթողիկոսը հայ եկեղեցու գույքը բռնագրավելու մասին ցարական հրամանը ստանալու պահին (1903 թվականի հունիսի 12)։ Այդ հրամանով արգելվում էին նաև հայկական հոգևոր ճեմարաններն ու դպրոցները։

Տարեց, սպիտակամորուս հոգևորականը կապույտ երկար զգեստով նստած է բազկաթոռին։ Նրա ոտքերի մոտ՝ գորգի վրա, թուղթ է ընկած։ Ետևում պատուհան է և կանաչ բույսեր։