Ախալցխացի հայ կին՝ ավանդական տարազով
Արխիվային լուսանկարում պատկերված է Ախալցխայի հայ կին՝ ավանդական տարազով։ Նա նկարված է կողքից։ Գլխին զարդարուն գլխանոց է՝ կախովի շղթաներով և կլոր կախազարդերով, որի վրայից իջնում է ծաղկանախշ ժանյակե եզրով նուրբ քող։ Զգեստի օձիքն ու կրծքամասը զարդանախշ եզրեր ունեն, վզին վզնոցներ են։
Նկարի ներքևում ռուսերեն և ֆրանսերեն մակագրություն կա՝ «Կովկասյան տիպ – ախալցխացի հայուհի»։
Այս տարազը բնորոշ էր տարածաշրջանի հայ բնակչությանը։ Այն միայն կենցաղային հագուստ չէր, այլ նաև սոցիալական դիրքի և ընտանեկան վիճակի արտահայտություն։
