Անիի Մայր տաճարը ներսից
Անիի Սուրբ Աստվածածին Մայր տաճարը հայկական Մայր տաճար է Անիում՝ միջնադարյան Բագրատունյաց Հայաստանի մայրաքաղաքում, որն այսօր գտնվում է Թուրքիայի արևելքում՝ Հայաստանի սահմանին։ Տաճարը կառուցվել է 989–1001 թվականներին՝ Բագրատունիների արքունական ճարտարապետ Տրդատի նախագծով։
1064 թվականին, երբ սելջուկները գրավեցին Անին, տաճարը վերածվեց մզկիթի, հետագայում կրկին դարձավ հայկական եկեղեցի։ 1319 թվականի երկրաշարժից փլվեց նրա կոնաձև գմբեթը, որից հետո Անին աստիճանաբար ամայացավ, իսկ եկեղեցին քայքայվեց։ Տաճարը համարվում է Անիի ամենամեծ և տպավորիչ կառույցը և մոտ կես դար եղել է Հայ Առաքելական եկեղեցու կաթողիկոսի նստավայրը։ 2016 թվականին այն, ինչպես ամբողջ քաղաքը, ընդգրկվել է ՅՈՒՆԵՍԿՕ-ի Համաշխարհային ժառանգության ցանկում։ Այսօր պահպանվել են կառույցի ավերակները։
Լուսանկարում տաճարի ներսն է՝ բարձր սլաքաձև կամարներով, մուգ և կարմրավուն քարերով շարված պատերով, կլոր և նեղ երկարավուն լուսամուտներով։ Ներքևում՝ լուսավոր դռան մոտ, մի մարդ է քայլում։
