Չարենցի կամարը (Արարատի կամար)

Գառնի գյուղ տանող ճանապարհին, Ողջաբերդ գյուղի մոտ, գտնվում է Չարենցի կամարը։ Ճարտարապետ Ռաֆայել Իսրայելյանը հուշարձանը նվիրել է բանաստեղծ Եղիշե Չարենցին, որը սիրում և հիանում էր Արարատ լեռան գեղեցկությամբ։ Վայրը պատահական չի ընտրված․ կամարին մոտենալիս աստիճանաբար բացվում է աստվածաշնչյան Արարատի ամենագեղեցիկ տեսարանը։ Չարենցի կամարը բանաստեղծի սիրելի վայրերից էր, և նա հաճախ էր գալիս այստեղ ներշնչանք փնտրելու։

Քարե կրկնակի կամարը կառուցված է բլրի գագաթին, որին տանում են փոքր աստիճաններ։ Արտաքին կամարի վրա փորագրված են Չարենցի հայտնի տողերը Մասիս լեռան մասին։ Լուսանկարում ներքին կամարի բացվածքից երևում են Արարատի ձյունածածկ գագաթները։