Մարտիրոս Սարյան, «Հայաստան», 1923

Մարտիրոս Սարյանի «Հայաստան» կտավը ստեղծվել է 1923 թվականին։ Աշխատանքը կատարված է կտավի վրա յուղաներկով, չափերը՝ 138 × 103։ Այն պահվում է Երևանում՝ Հայաստանի ազգային պատկերասրահում։

Նկարում պատկերված են ձյունածածկ գագաթներով լեռներ, նարնջագույն ժայռեր, բարձր նոճիներ և կլոր սաղարթներով այգիներ։ Բլրի վրա եկեղեցի է, աջ կողմում՝ ջրվեժ և գետակ։ Առջևում՝ տան տանիքին, կանայք շուրջպար են բռնել։