«Սասունցի Դավիթ» տանկային շարասյունը

«Սասունցի Դավիթ» տանկային շարասյունը ստեղծվել է Հայրենական մեծ պատերազմի տարիներին՝ սփյուռքահայերի և Հայ եկեղեցու հավաքած միջոցներով։ Այն անվանակոչվել է միջնադարյան հայ ժողովրդական էպոսի հերոսի պատվին։

Դրամահավաքը սկսվել է 1943 թ. հունվարին՝ Ամենայն հայոց կաթողիկոսի տեղապահ Գևորգ Չորեքչյանի նախաձեռնությամբ։ 1944 թ. փետրվարին հավաքված գումարով ստեղծվեց 119-րդ առանձին տանկային գունդը՝ 21 նոր Տ-34-85 միջին տանկով։ Տանկերը կռվել են 1-ին Մերձբալթյան ռազմաճակատի կազմում, մասնակցել «Բագրատիոն» գործողությանը և մարտական ուղին ավարտել Մերձբալթիկայում։

Ձմեռային լուսանկարում շարքով կանգնած տանկեր են, որոնց աշտարակներին գրված է «Սասունցի Դավիթ», կողքին՝ զինվորներ։