Սուրբ Ամենափրկիչ եկեղեցին, Ալեքսանդրապոլ, 1878

Սուրբ Ամենափրկիչ եկեղեցու այս լուսանկարն արել է Դմիտրի Նիկիտինը 1878 թվականին, և այն մտնում է «Ալեքսանդրապոլյան ջոկատի ալբոմ» հավաքածուի մեջ։

Եկեղեցու ճարտարապետը Թադևոս Անտիկյանն է։ Այն կառուցվել է 1859–1873 թվականներին Գյումրու բնակիչների նվիրատվություններով, և հատակագծով շատ նման է Անիի Մայր տաճարին։ Եկեղեցին դիմացել է 1926 թվականի երկրաշարժին։ 1932 թվականին խորհրդային իշխանությունները փորձել են տանկերով քանդել զանգակատունը, ապա պայթեցրել այն, իսկ 1964 թվականին քաղաքի գլխավոր ճարտարապետ Ռաֆայել Եղոյանը վերականգնել է այն։ 1988 թվականի երկրաշարժից եկեղեցին ավերվել է, ապա ամբողջությամբ վերականգնվել։ Խորհրդային տարիներին համերգասրահ դարձած եկեղեցում երգել է «հայկական սոխակ» Գոհար Գասպարյանը։

Լուսանկարում քարաշեն եկեղեցին է՝ բազմանիստ թմբուկով և կոնաձև գմբեթով, ձախում՝ սյուներով զանգակատուն։ Ճակատին հայերեն արձանագրություններ են։